LUYO sa mga pangutana nganong mahal ang mga pagkaon (seafood) nga gibaligya sa mga manindagay sa maong isla, anaay nigawas nga hinungdan.
Sa taho nga napatik sa social media ug mga pamantalaan, giingong anaay taga-DENR nga nangolekta sa mga manindahay.
Pasabot, anaay nangayo og bahin aron sila makapadayon og baligya sa mga seafood, kinuha man o kinompra.
Kini ang nilutaw sa taho gikan sa usa ka bokal didto sa Sangguniang Panlalawigan.
Matud pa, 6 ka tuig nga nangolekta ang usa ka tawo nga sakop kuno sa DENR.
Kini nakapakurat sa mga kaigsoonang Bol-anon ilabina ang taga-DENR maoy gitahasan nga manalipod sa kinaiyahan, unya karon anaay ilang tawo nga nagbuhat og dili maayo?
“Expensive Virgin island food vendors paying to DENR agent for years, a BM inquiry reveals
Aside from tempting high profit, what must have forced the food overprice on Virgin island?
A media report said an inquiry by Bohol Board Member Tita Baja revealed that the vendors have no LGU permit but they have been “paying to a collection agent of the DENR” for six years.
It has also been alleged that the boatmen transporting tourists to the “island,” which is actually a sandbar, got “commission” from the unpermitted, exorbitant-pricing food merchants.
The uproar against the Virgin island food overprice, which has “scandalized” Bohol tourism, has seemed to defy silence.
Another domestic tourist / netizen posted on Lanaja Diana Vic fb account and alleged that the foods they thought would only cost around P2,000 were billed almost P8,000! Here’s a part of the post:
“Kini amo food naka bayad sad me ani almost 8,000 nya kini rajud amo g kaon atong june lang me ng laag og Bohol sa Virgin island…
Maygani kay nka dala me og money og wla pa unsaon kaya pag bayad nga wla rabay machine sa islandkay ako pag tuo maka bayad rame mga naa ra sa 2k nya pag hatag sa listahan 7,900,” kinatibuk-an sa FB post ni Ven Revo Arigo, usa ka journalist.
Ang pangutana, kon wala man diay permit gikan sa LGU, nganong wala man gipahunong ang pagpaninda kaniadto sa mga manindahay sa maong isla?
Ug kon tinuod nga anaay ahente sa DENR nga tigkolekta, nganong wala man nila gisumbong sa taga-LGU-Panglao?
Kaniadtong Merkules, Agosto 3, gipahunong sa LGU-Panglao ang pagpaninda sa maong isla lakip ang mga tourism activities.
Angayang suta-on kon kinsa ang nagsugo sa maong ahente sa DENR ug kon ana-a ba’y politiko nga nagpaluyo niini.
Kining lindog: ‘Tingog sa Kabatan-onan’, abli sa inyong mga sugyot ug komento. Mamahimo kana ninyong mapaabot pinaagi niining akong numero 09638753562 o Gmail: subriowilsonauguis@gmail.com o sa Facebook ug Messenger account: Wilson Auguis Subrio.
Modawat lamang og seryoso ug dili binuang. Mag-amping kita, mga Bol-anon!
