KAPIN sa 800 ka mga Boholano niadtong Huwebes (Hulyo 28) ang niapil sa Sandugo Job Fair sa Bohol Cultural Center sa Tagbilaran City aron mangitag trabaho.
Sumala ni Vilma Yorong, hepe sa Bohol Employment Placement Office (BEPO), nga ang gidaghanon sa mga tawo nga nisalmot nilapas sa una nilang gibana-bana nga 500.
Matod ni Yorong, kadaghanan sa mga aplikante mga fresh graduates ug kanhi mga trabahante nga nabakwit sa panahon sa COVID-19 pandemic.
Adunay 900 sa gawas sa nasud ug 2,000 ka lokal nga trabaho ang giandam atol sa maong job fair.
Apan, unom ra ka mga tawo ang na-hire sa lugar tungod sa kakuwang sa awtoridad sa mga representante sa kompanya aron maaprobahan dayon ang mga aplikasyon.
Ang ubang mga kompanya nanginahanglan usab og dugang nga medikal nga screening alang sa mga aplikante.
Sigon ni Yorong, daghan sa mga nag-apply sa job fair ang gilauman nga mapailawum sa follow-up screenings.
Dugang pa ni Yorong nga daghan sa mga nakapasar sa mga inisyal nga interbyu nag-aplay alang sa mga trabaho sa pagpamaligya ug mga posisyon sa mga kompanya sa hotel ug resort.
Katapusang nagpahigayon og job fair ang BEPO niadtong 2019 human gisuspenso ang tinuig nga kalihukan tungod sa COVID-19 pandemic. (RTB)
