NAGSAULOG ang Danao sa iyang ika-61 nga Adlaw sa Pagkahimugso kon diin nagpanikad nga nibatbat si Mayor Jose G. Cepedoza sa iyang mga proyekto sa nga gisubhan.
“Road to Self-Sufficiency” maoy iyang gipanghingusgan arun kon dunay mga katalagman nga moabot sa lalawigan, makaya sa ilang lungsod bisan pa nga dili kayo magsalig sa national ug probinsyal nga pangagamhanan.
Ang Danao naila isip Agricultural ug Tourist destination nga lungsod sukad pa kaniadto ug gumikan sa mga “sustainable programs” hinay hinay kining nilambo.
Lakip na niini ang maayong mga pasilidad sa panglawas, tabang sa sector sa agrikultura ug ang Danao Polytechnic College.
Ang bag-ong tunghaan sa maong lungsod mohatag sa higayon ngadto sa mga lumulopyo nga dili na molangyaw sa nagkadaiyang dapit arun lamang makab-ot ang gitawag nga “quality education”.
Suma pa, “ Education is the greatest equalizer.”
Dugang pa ni Mayor Cepedoza, nagpadayon usab ang pagpalambo sa ilang Balay Lungsod nga personal nga nasaksihan sa mga sakop sa media.
Sa panahon sa pandemya, ubay-ubay nga mga ayuda ang nahatag sa mga katawhan nga giabagan usab sa Sangguniang Bayan nga gipangulohan ni Bise Mayor Albert Vitor.
Nagpasalamat usab ang mga bag-ong napiling mga opisyal sa lalawigan nga gipangunahan ni Bise Gob. Dionisio Victor Balite, 2nd district BM Jami Aumentado-Villamor ug BM Tommy Abapo sa mga Danaonon sa ilang makabungog nga suporta sa 2022 nga piniliay.
Apil usab sa mga niabi-abi sa mga bisita mao si Liga ng mga Barangay President BM Molex Cepedoza kinsa maoy kasamtangang kapitan sa Brgy. Magtangtang. (Kahlil Lester O. Camba)
