MAO kini ang tipik sa mensahe ni reelectionist 3rd district Congw. Alexie B. Tutor atol sa oathtaking ceremonies ug turnover rites didto sa Loboc.
Kahinumduman nga nidaug pagka mayor ang kanhi konsehal nga si Raymond Jala samtang molingkod isip bise mayor si kanhi mayor Helen Calipusan-Alaba.
Si Alaba ang igsuon ni kanhi mayor Leon Calipusan nga maoy gibansagang “The Dreamer” sa maong lungsod nga giingong “The Piece of Heaven” o “Tipik sa Langit”.
Sugyot usab ni Congw.Tutor nga undangon na ang panagbikil sa pulitika sanglit nahuman na ang piniliay ug ang mga katawhan maoy ma-sakripisyo niini.
Si Tutor nidaug via landslide batok kang kanhi mayor sa Valencia nga si Katrina Lim sa niaging piniliay.
Sa 2019 nga piniliay, nidaug usab si Tutor sa Loboc batok sa tinuboy ni Atty. Arthur C. Yap nga si retired Judge Caloy Fernando. (Kahlil Lester O. Camba)
