NIHURAR na ngadto kang Governor-elect Erico Aristotle “Aris” Aumentado ang 6 ka mga konsehal sa Antequera.
Suma pa sa mga tigpaniid sa pulitika, ang bag-ong mayorya sa Sangguniang Bayan matawag nga “Team ABAG” nga nagpasabot, (Abagan ang BAg-ong Gobernador).
Ang mga nihurar mao sila Kag. Al Coquilla, Kag. Fernando Vallecer, Kag. Johnny Sniper Coquilla, Kag. Edwin Wanwan Cuenca, Kag. Joseph Hector Balonda ug kanhi mayor ug karon konsehal Amet Rebosura.
Nitambong sa maong kalihokan sila Vice Governor-elect Dionisio Victor Balite, Ph.D, reelectionist Board Member Lucille Lagunay, outgoing Antequera Mayor Lilioso “Lil” Nunag ug outgoing councilor Lani Labado.
Kahinumduman nga sa niaging piniliay, nidaug si bise mayor ug karon mobalikay pagka mayor Boy Pahang batok ni Nunag samtang nidaug pagka bise mayor si Cecilia Rebosura Salomon batok ni Labado ug kanhi konsehal Ating Coquilla.
Giklaro ni kanhi konsehal Ating Coquilla nga ang lima ka mga konsehal gikinahanglan pa nga mohurar sa ilang Oath of Allegiance sa Team ABante Bohol gumikan kay si Al Coquilla lamang ang nipasilong sa maong grupo sa 2022 elections. (Kahlil Lester O. Camba)
