SI Mayor Atty. Dadz Gementiza nanawagan sa katawhan sa San Isidro, diin siya nasublian pagka-mayor, sa paghiusa sa kanunay tungod kay wa’y kalamboan nga makab-ot kon walay paghugpong.
Mao kini ang iyang mubo nga mensahe atol sa ika-53 nga Foundation Day sa San Isidro, Bohol ug sa ilang pagpanumpa nga mga bag-ong opisyales sa lungsod human sa piliay sa Mayo 9, 2022.
Ang katawhan pumipili dinhi miboto sa iyang tibuok linya ug linya sa provincial officials pinangulohan ni Gobernador Aris Aumentado ug sa iyang kapikas, si Maria Vanessa “Vanvan” Aumentado nga bag-ong napili nga congresswoman sa 2nd district.
Ang mensahe sa mayor nahisibo sa tema sa foundation day sa lungsod: “Moving Forward Towards Unity and Progress.”
Matud ni Mayor Gementiza nga way rason nga dili molambo og dugang ang San Isidro karon nga gobernadora na si Aris ug inabagan sa iyang kapikas nga congresswoman sa distrito.
Sa iyang kabahin, si Vanvan mipalanog usab sa yang mensahe sa kamahinungdanon nga kahiusahan sa katawhan.
SI Vanvan nagkanayon sa iyang speech nga importnte usab ang pag-ila ug pagtahod sa mga nanglabayng mga lidersa lungsod. Maatud niya nga kon unsa ang naangkon nga kalamboan sa lungsod karon gumikan kin isa daghang mga kamot ang mihimo niini. Ang pagtinabangay sa tanan diha sa paghiusa mao ang hinungdan nga mouswag ang lungsod, matud ni Vanvan.
Sa samang selebrasyon, si Aris mipahalipay (congratulate) sa katawhan sa San Isidro tungod kay naka-abot sila sa ka-53 nga foundation day sa lungsod.
Matud ni Aris nga wa siya magdahum nga modaog tungod kay “incumbent” (naan a sa pwesto) ang iyang kaatbang. Apan, sa iyang katingala, mikabat sa kapin sa 186,000 ang iyang labaw batok ni Gov. Artthur Yap. Ingon man mipukan usab ang iyang kapikas kang Jaja Jumamoy sa pagka-congresswoman sa labaw nga kapin sa 45,000. Niini, dako kayo ang iyang pagpasalamat sa San Isidro.
Si Aris ug Vanvan kinasingkasing nga mipasalamat sa pagbutang kanila sa pwesto ug siya misaad nga sukli-an kini nila (ni Aris) sa tinuoray nga pag-alagad.
Si Aris Aumentado mipapanumpa kanila ni Mayor Gementiza ug sa iyang kapikas, Kagawad Gloria Biwang Gementiza, ingon man nila Vice-Mayor Felimon Mantabote, Kag. Sergio B. Quiwag, Kag. Lourdes R. Samuya, Kag. Zinas V. Arambala, Kag. Ruby M. Lurot, Kag. Clemen M. Jala, Kag. Danilo B. Saligumba ug Kag. Jorge L. Cosmod.
Ang pagpanumpa gisaksihan ni Provincial Board Member Atty. Tomas D. Abapo, Jr. sa katawhan nga nagpunsisok sa covered sa lungsod. (rvo)
