TRANSPARENCY maoy makapalig-on sa giingong inclusive governance nga maoy panghingusgan ni Garcia Hernandez Mayor Engr. Filadelfo Jess Baja III sa dihang siya na ang bag-ong modumala sa ilang lungsod.
Si Engr. Baja, igsoon ni 3rd district Board Member-elect Tita Baja nga maoy numero unong napili nga bokal sa Tersiero Distrito.
Nihurar sila kauban sa iyang bise mayor nga si Antonia J. Ladaga ug 6 sa mga nidaug nga konsehal nga sila An P. Baja, Luna P. Jamero, Edgar B. Galbizo, Antonio V. Baja, Nilo G. Salise ug Editha I. Virador ngadto kang Hon. Meriam Ballener-Tradio, ang Presiding Judge sa 10th MCTC, Jagna.
Sa niaging piniliay, gipilde ni Mayor Baja si outgoing 3rd district Board Member Jade Bautista pagka mayor samtang napilde si incumbent Vice Mayor Miguelito Galendez ni outgoing Kagawad ug karon Bise Mayor Ladaga.
Kahinumduman nga nahimong hisgutanan ang Garcia Hernandez gumikan sa panagbikil tali sa ehekutiba ug lehislatura kaniadto nga niresulta sa dugayng pagkalangay sa pagpasar sa Annual Budget sa lungsod. (Kahlil Lester O. Camba)
