I FORGOT to mention during the interview over DYRD by anchor Chito Visarra last Friday morning some “memorable” things accomplished by former DA Secretary and former Governor Art Yap during his stint in the DA.
Nakalimot ko og mention ani, so I will mention it here.
Just to complete the picture.
Bahala’g masuko nang ubang tawo nga nagtuo nga Ilongo ko, hehehehe.
* * *
Nahitabo ni during the time nga si Art Yap maoy Secretary sa Department of Agriculture.
What?
Gi-eject ang regional office sa DA-7 sa lugar nga gitawag ug nahibaw-an sa kadaghanan, labi na sa mga abogado nga DA-7 compound, Guadalupe Street, Cebu City.
Nganong suheto man ang mga abogado sa maong address?
Kay naa sulod sa compound ang Office of the Ombudsman-Visayas.
Pero tungod kay gipalagpot man ang DA-7 sa maong lugar, nausab na ang address og nawala na ang kanhi address nga DA-7 compound.
Anyway, mobalik tang Art Yap.
* * *
Unsa may kalabotan ni Art Yap sa dihang gipalagpot ang DA-7 regional office sa maong lugar?
Dako siya og kalabotan kay nagtuo ang taga-regional office nga molaban o mangita og paagi si Art Yap nga mapungngan ang pagpapahawa sa regional office gikan sa maong lugar.
Pero unsa may gihimo ni Art Yap?
Wala.
As in, wala ra. Wa gyod siyay gihimo. Wala mohangyo sa Gobernador sa Cebu, wa gani mosulay og hangyo.
Gisultian pa niya ang regional director adtong panahona nga mohawa lang god pod.
* * *
So, tungod kay way kisaw o way gihimo si Art Yap sa maong pagpapahawa, napahawa gyod ang regional office sa DA-7 gikan sa maong lugar.
Unsay epekto sa maong pagpapahawa?
Dako kaayo.
Tiaw bay nangita na pod og kabalhinan ang regional office.
Daghan kaayong mga records nangawala, daghang mga transaksiyon nalangan kay wala may opisina, daghang mga proyekto napundo kay wa may opisina.
Unya dili sayon ang pagpangita og kabalhinan kay daghan kaayo og paperworks basta gobierno, unya ang nakaparat pa gyod, walay budget para bayad sa abangan sa building.
Og daghan pa kaayo nga mga problema.
Pero, kebs ra si Art Yap oi.
Balewala lang niya ang dako kaayong problema sa DA-7 adtong panahona.
* * *
Sa akong nahibaw-an gikan mismo ni Gobernor Gwen Garcia, andam siya maminaw unta kon diha pay opisyal sa DA adtong panahona nga mihangyo kaniya, pero matod pa niya, wa gyod kuno pod magpakabana si Art Yap, labi na kay siya ang kalihim adtong panahona.
So, sa pangutana kon unsay akong mahinumdoman nga nahimo ni kanhi DA Secretary Art Yap bahin sa agrikultura sa Bohol, mao nay akong tubag – wa gyod siya magpakabana, morag balewala lang niya ang maong problema, og ang epekto niini sa mga programang agrikultura para sa Bohol.
* * *
Meanwhile, I am happy with the announcement by President-elect Bongbong Marcos that he would temporarily assume as DA Secretary in a concurrent capacity.
That will put teeth and substance to his plan to prioritize agriculture in his administration.
Very timely pod kay dugay na nga panahon nga taken for granted lang ang agriculture, mas gipalabi pa ang ubang mga department in terms of budget.
So with BBM at the helm, good chance that the DA will get better and bigger budget.
* * *
Makalipay pod ang gihimo ni Governor-elect Aris Aumentado nga tagaan og importansiya ang agrikultura sa iyang plano alang sa umaabot nga mga tuig.
Kadaghan na nga higayon nga nag-meeting mi ni Gov Aris ug ang ubang mga opisyales sa DA, notably, USec Ariel Cayanan nga maoy USec for Operations.
Sa meeting namo sa miaging semana, nag-discuss sila ni USec Cayanan sa mga programa, on-going og new, nga para sa Bohol.
Dili lang sa nako ibutyag karon ang mga programa nga ilang gihisgotan kay huwaton nato nga moabot ang bulan sa Hulyo kay mo-assume na man as Governor si Gov Aris.
* * *
Nalipay sab ko sa iyang desisyon nga kuhaon si kanhi Regional Executive Director Ric Oblena isip Consultant on Agriculture ug miembro sa iyang Transition Team.
Daghan kaayo og matabang si Oblena sa pagpalambo sa agrikultura sa Bohol, tungod kay suheto siya sa sitwasyon sa Bohol.
Nakig-alayon sab si Gov Aris sa DA regional office aron mapalapdan pa gyod ang pagtabang sa mga mag-uuma ug mga mananagat aron molambo ang patigayon sa pagkaon sa probinsiya.
Nalipay sab ko sa resulta sa ilang meeting kagahapon ni Director Glenn Panganiban nga maoy Director on Urban Agriculture ug opisyal sab sa High Value Crops Program sa DA.
Naghisgot sila bahin sa pagpalambo sa mga utanon ug uban pang high value crops, apil na ang pagpamuhi sa mga rabbit.
Giapil pod sa ilang gisabotan ang pagpahigayon sa mga skills training on urban agriculture, pagpanghatag sa mga greenhouses ug hasta ang cold storage facilities alang sa mga utanon ug mga prutas.
Giapil pod nila ang plano sa pagpalambo sa mga kawayan dinhi sa Bohol, dili lang sa pagkaon kondili apil ang anti-soil erosion, construction ug anti-pollution program sa probinsiya.
Tungod niini, nagkasabot na sila kon kanus-a magsugod ang skills training nga pangulohan ni Director Glenn Panganiban.
Andam pod motabang si Panganiban sa pag-supply og dugang nga mga seeds sa klase-klase nga mga utanon.
Nindot kini nga mga timailhan sa bag-ong Gobernador sa Bohol og atol sa maong meeting, nagpasalig usab ako sa dugang tabang alang sa probinsiya sa Bohol ubos sa iyang pagdumala.
