GIHIMO kaniadtong Biyernes, Agosto 7, 2026 ang Groundbreaking Ceremony ug pagbutang sa kapsula alang sa dakong proyekto nga Regional Food Terminal nga nagkantidad og ₱61 Milyon, nga ipatukod sa Barangay Poblacion Weste, Catigbian.
Ang maong proyekto resulta sa panag‑uban sa LGU Catigbian ubos sa pagpanguna ni Mayor Benjie S. Oliva, kauban si Bise Mayor Esteban Jr Angilan ug ang tibuok Sangguniang Bayan, ug ang Food Terminal, Inc. (FTI).
Mahimo kining sentro sa pagtigom, pagtipig, pagproseso, ug pag‑apod‑apod sa mga produktong agrikultura ug pangisdaan.
Gilauman nga makatabang kini pagpataas sa kalidad ug kantidad sa ani, makadugang sa higayon nga makabaligya, ug labaw sa tanan makapalig‑on sa kasiguruhan sa pagkaon sa tibuok lalawigan.
Nitambong sa kalihokan ang mga opisyales gikan sa FTI nga sila Atty. Oliver Dicdican (VP for Corporate Affairs), Atty. Nicolas Aranilla Jr. (VP for Business Support), ug Tristan Jasper Udtohan (Technical Assistant‑Accountant).
Kauban usab ang mga representante gikan sa Kapitolyo pinaagi sa OPA ug OPV, ingon man ang mga opisyales sa matag barangay.
Mga pahalipay sa LGU Catigbian ug Food Terminal, Inc.! Uswag Catigbian, Abante Bohol! (RTB)
