IN our last episode, we discussed about the board member nga na-karma.
This time around, we will make pulutan of the Governor who was also na-karma.
* * *
Just like our board member, our Governor was cocky and over-confident. In the local dialect, nag-awas-awas pod ang kahambog.
When asked about his views of the local elections months back, he was quoted as saying that his reelection would be easy.
Pera-pera lang yan, pera lang ang katapat, pabahaan lang niya og kwarta ang probinsiya, sure na iyang kadaogan, and words to that effect.
In his expert analysis, victory was easy because he only needed to have money. And he has plenty, so no problem.
Piece of cake ra kuno ang iyang kadaogan.
* * *
Of course, we could not blame him.
He was fond of taking short-cuts.
When he ran for congressman, for 3 terms, he bought his way to victory by “buying” his opponents.
Giulian sa nagasto plus a “disturbance fee” of several millions.
Nakagasto tuod siya og pipila ka milyones pero sure pod ang iyang kadaogan. Stress-free nga kadaogan. Total, nagplano man sab siya nga bawion lang ang iyang mga nagasto inig ka-kongresman na.
Tuod man, nabawi ra gyod niya ang iyang mga nagasto. Nakapundo pa siya og pipila ka milyones.
Sa nahuman na iyang term, midagan na sab siya pagka-gobernador.
* * *
Midaog tuod siya pero gamay ra pod ang labaw.
That was his first time nga naka-kombati gyod siya nga dili na short-cut. Kombati gyod to, pero dako pod kaayo siya og gastos.
It was a bitter-sweet victory kay tiaw bay pagka-dako mas iyang gigasto aron lang makadaog. Nakadaog man tuod siya pero dako pod kabhang sa iyang pondo. Nabuslot gyod iyang bulsa adtong panahona.
Pero, matod pa niya, sagdi lang, bawion ra nako tong tanan sa akong 3 terms nga pagka-gobernador, plus maka-pondo pa tingali ko og dugang.
* * *
True enough, sa dihang midaog na siya, left and right ang iyang pangutang para maka-procure og bisan unsa lang.
Left and right pod ang infra projects.
Sa procurements, tiba-tiba siya sa komisyon.
Sa infra, tiba-tiba pod siya sa komisyon, labi na kay taga-liog pod iyang kobra. Sa kadako sa iyang paak, mitiyabaw ang mga local contractors.
Pero, no problem.
Kon di kasukol ang mga local contractors, naa may mga contractors sa laing probinsiya.
Kasagaran sa iyang mga infra projects, gi-handle sa mga langyaw nga mga contractors, pasabot, dili taga probinsiya.
Mao pod ni rason nga sa dihang gihapak ang probinsiya sa kusog nga bagyo, wa gyoy local contractors nga mitabang kaniya.
* * *
Ang iyang grabe nga pamaak apil to sa iyang preparasyon sa piniliay.
Sa iyang pagtuo, kon daghan lang siya og kwarta, sureball gyod ang iyang kadaogan, labi na kay di pod kaayo daghan og kwarta ang iyang kontra.
Mao toy hinungdan nga wala ug tuo ang iyang panapi, gusto gyod siya og reelection.
Og mao nay hinungdan ngano nga nakasulti siya nga pera-pera lang ang solusyon alang sa iyang kadaogan.
Sa iyang bana-bana, kon dako lang ang iyang inangayan, nga labaw pa sa iyang kaatbang, ah, tablaw pay “it’s all over but the counting.”
* * *
Mao toy hinungdan nga grabe siya nakasaad sa mga mayores og milyones nga ayuda, dako nga inangayan, mga milyones nga mga proyekto sa mga barangay nga straight voting, pasabot daog silang tanan gikan taas hangtod ubos.
Layo pa gani ang piniliay, gikontrata na niya ang mga bangko. Kuhaon niya ang tag 100 ug tag-200 bills para sa inangayan.
Matod pa sa usa ka manager sa bangko, hilabihan ka dako ang kantidad nga giangkon sa gobernador. Sa dihang akong gipangutana og pila, mikatawa lang dayon ingon nga basta kay hilabihang dakoa ang kantidad.
Grabe gyod ang pangandam nga iyang gihimo. Tanan nga pangandam gisukod niya sa kwarta.
Kwarta, kwarta, kwarta, mao ra gyod nay iyang dag-anan, matod pa, kay di kaapas ang kaatbang.
* * *
Excited siya kay nahiluna na man ang tanan. Plus gigamit pa niya ang tanang mga casual og JO sa kapitolyo alang sa iyang kampanya. Alang kaniya, sayon ra lagi ang kadaogan kay preparado siya sa iyang kwarta.
Tuod man, gaulan ang iyang inangayan. Kinadakoan gyod ang iyang inangayan, layo ra kaayo ang kaatbang, plus gitagaan pa gyod niya ang mga mayores.
Hoy, naunsang pagka-unsa nga gilubong man siya sa balota.
Tungang gabii sa piniliay unya diha nay daghang unofficial results nga migawas, na-iwit man siya og hilabihan kadako ang boto sa kaatbang.
Imbes excited, nag-anam siya og kaluya hangtod nga miundang na lang siya og monitor kay klarex na kaayo nga gilubong gyod siya sa mga botante.
Klarex pod kaayo nga gikopras ra ang iyang inangayan.
Mas klarex pod nga wa magsilbi ang iyang pera lang ang katapat, pera pera lang yan ug uban pa.
Ala-una pa gani sa kadlawon pagka-sunod adlaw, mipagawas na siya og deklarasyon sa iyang kaparotan.
Gi-karma lagi.
Abi seguro niya og tanang panahon mapalit niya ang iyang kadaogan.
* * *
Sa sunod episode, laing karma na sab atong hisgotan.
Matod pa sa laing opisyal sa probinsiya, kon di gani mi modaog sa inyong barangay, di na pod ta magkita pagka-July.
Nindot pod og rhyme, noh.
Op kors, nahadlok pod ang gipangsultian kay nasayod na sila og unsay gipasabot adto.
Walay renewal sa ilang kontrata ug tamjun ra sila kon mapildi ang maong opisyal sa ilang barangay.
Unsay nahitabo?
Mao nay sunod natong hisgotan.
