ANG laraw sa pagguba sa resort gate, guardhouse ug labat sa Marilou Beach Resort, Barangay Bolod, Panglao, napugngan pinaagi sa hangyo ni Dr. Doloreich Dumaluan gahapon samtang siya nangayo sa pahayag sa korte kon asa ang angayan nga bungkagon.
Matud ni Dr. Dumaluan iya pa kining ipa-survey pag-usab ug kon dunay dapit niini nga wala masakop sa iyang titulo say uta ug aron makita kon dapit ang barangay road, siya na mismo boluntaryo nga moguba niini.
Kini nahitabo gahapon sa buntag diin si Panglao Mayor Edgardo Arcay provincial legal officer Atty. Handel Lagunay ug kauban niining ubay-ubay nga mga pulis aron unta pagbungkag sa naasoyng mga building sa resort.
Nasayran nga ang paghipos (unta) sa mga buildings (guard house fence, gate) sa resort mao ang pagpatuman sa Writ of Mandamus nga giuwatan sa korte ubos sa Special Civil Action No. 10425.
Matud ni Dumaluan, naapil si Mayor Arcay ug si Gob Aumentado sa maong kaso sa reklamo ni Jacques Chaoulli, nga gustong ipaguba ang maong mga labat, guard house.
Ang hukon sa korte pinitsaan sa Nov. 11, 2025, mao nga “final and executory,” nga mando sa respondent (Dumaluan) nga hawanan sa mga babag sa barangay road.
Si Dumaluan nagkanayon nga di manuko ang resort sa boluntaryong pagguba sa mga edipisyo kon kini makit-an nga naka babag sa barangay road.
Si Dr. Dumaluan nga sukad kining resort gibuksan niadtong 1983 ang mga molupyo ug mangingisda wala man babagi sa resort nga makadung ngadto sa lapyahan. (RVO)
