GI-RELIEVED na ang hepe sa Sevilla Municipal Police Station ug 3 ka mga kaubanang pulis nga nalambigit sa gikatahu nga pagpangulata sa usa ka barangay kagawad sa Sevilla nga una nang gi report nga naka-ikyas sa gihimong buy bust operation niadtong February 10, 2026.
Matud ni PMajor. Rey Olar, spokesperson sa Bohol Police Provincial Office (BPPO) nga gi-relib ang mga pulis niadtong nakalabay nga semana og sila gibutang sa Regional Personnel Holding and Accounting Section (PHAS) sa Police Regional Office VII sa Cebu og floating ang ilang status pending sa imbestigasyon nga gipahigayon sa Provincial Internal Affairs Service (PIAS).
Ang pag relib usab sa mga pulis aron nga dili sila maka empluwensya sa nagpadayon nga imbestigasyon batok kanila, matud ni Olar.
Ang reklamante nga si Barangay kagawad Eric Gumanoy mitumbok sa mga Pulis nga gi-ingong mikolata kaniya mao sila si Police Capt. Amory Napoles- ang hepe sa Sevilla MPS, Police Master Sergeant Leo Leopoldo, PMSG Reynaldo Fernandez, ug Patrolman Reymon Misa.
Ang upat ka mga Pulis napasakaan na usab og kasong administratibo sa PIAS. (RTB)
