SUPORTADO sa magbabalaod sa Segundo distrito ug Bohol Governor-Elect Aris Aumentado ang ebalwasyon sa sektor sa edukasyon aron masiguro nga ang mga estudyante nakakat-on gyud taliwala niining panahon sa pandemik.
Sumala ni Aumentado nga kinahanglan adunay limpyo nga panghuna-huna ang tanan kalabot sa sitwasyon karon, tungod kay posibling dili haum ang ‘targets’ pinasubay sa labor requirements tungod sa krisis.
Giingon ni Aumenatdo nga daghang pag-antos ang moresulta kung ang kalidad sa edukasyon dili patas-an ug ang nahibaw-an sa mga mugradwar dili ipahaum sa mga kinahanglanon sa industriya.
Gipunting usab sa bag-ong napili nga gobernador ang mga isyu sa edukasyon kaniadtong miaging tuig nga nakababag sama sa connectivity, kakuwang sa mga materyal sa pagkat-on, ug mga panginahanglanon sa magtutudlo ug estudyante.
Suportado usab ni Aumentado ang pag-usab sa kurikulum sa DepEd sa umaabot nga tuig tingtungha. (RTB)
