ANG Sangguniang Panlalawigan Committee on Women and Family Welfare, nga gipangulohan ni Senior Board Member Tita V. Baja, nag-repaso ug dugang inputs sa Revised Gender and Development (GAD) Code sa Bohol alang sa Ikaduhang Pagbasa human sa komitiba nga miting, Enero 30, 2026.
Gitan-aw sa komitiba ang Proposed Provincial Ordinance No. 52-2025 sa SP Session Hall sa New Provincial Capitol, nga nagtinguha sa pag-upgrade sa mga polisiya sa probinsya aron lig-onon ang proteksyon ug serbisyo para sa mga kababayen-an, kabataan, ug pamilya.
Ang paghimo sa Gender and Development Code of Bohol gitukod subay sa kasagarang gidawat nga mga prinsipyo sa internasyonal nga mga balaod ug tratado, lakip na ang Convention on the Elimination of All Forms of Discrimination Against Women (CEDAW).
Tumong niini ang pagpalig-on sa patas nga katungod sa kababayen-an, pinasukad sa mga baruganan sa non-discrimination, state obligation, ug substantive equality.
Nitambong sa committee deliberation ang mga opisyal gikan sa Provincial Legal Office, DILG-Bohol, Office of the City Prosecutor, Bohol Provincial Police Office, Provincial Health Office, Provincial Social Welfare and Development Office, ug mga representante sa lain-laing sektor sa komunidad.
Miingon si SBM Baja nga ang mga inputs sigurado nga inclusive, gender-responsive, ug legal nga lig-on ang ordinansa.
Ang balaodnon andam na iduso sa Ikaduhang Pagbasa para sa deliberation konseho sa sunod nga regular nga sesyon sa Sangguniang Panlalawigan, usa ka lakang padulong sa pagpatuman sa bag-ong GAD Code sa Bohol. (RTB)
