MOKABAT sa P73.5 milyones ang kantidad sa nasakmit nga illegal nga drugas sa usa ka semana nga police operations sa Police Regional Office(PRO)-7 gikan sa Enero 4 hangtod sa Enero 10, 2026.
Resulta kini sa pagkasakmit sa 10,810.29 grams sa illegal nga drugas ug pagkasikop sa 178 ka drug personalities.
Atol sa samang period ang PRO-7 nipalig-on sa ilang kampanya batok wanted persons, diin 86 ka indibidwal ang nadakpan.
17 niini nabutang isip Most Wanted Persons nga nag-atubang og serious criminal offenses apil ang murder, rape, robbery, ug kalapasan sa Comprehensive Dangerous Drugs Act.
Samtang dunay 69 ka Other Wanted Persons nga dunay pending cases sama sa physical injuries, theft, estafa, kalapasan sa special laws, ug ubang salaod nga subject sa standing warrants of arrest.
Dugang niini, ang PRO-7 nihingusog sa operasyon batok loose firearms, nasakmit ang sixteen (16) unregistered ug unlicensed firearms ug twenty-eight (28) ka mga bala.
Ang anti-illegal gambling operations niresulta sa pagkasikop sa 31 ka tawo nga nalambigit sa illegal nga sugal diin P4,329 nga bet money ang nakompiskar atol sa operasyon.
Si PRO-7 Regional Director Police Brigadier General Redrico Maranan, midayeg sa dedikasyon sa PRO-7 units ug mitataw sa importansiya sa focused, sustained operations.
Samtang usa nakuhaan og armas, duha nakuhaan og drugas sa siyudad sa Talisay.
Tulo ka personalidad ang gipangtanggong sa bilangguan human sila nasikop sa sunod-sunod nga operasyon sa kapolisan. Unang operasyon gihimo didto sa Purok Maryland, Barangay Biasong diin gipatuman ang search warrant ug nasikop mao si alyas Ben, 44 anyos nga usa ka E-bike drayber nga nakuhaan og .38 nga revolver nga adunay duha ka buhing bala.
Ikaduhang operasyon may labot sa ginadiling drugas didto sa Purok Anduhaw, sitio Rattan, Barangay Tanke.
Nadakpan si alyas Alex, 50 anyos human nakuhaan og drugas nga nitimbang og 0.15 gramo nga adunay balor nga P1,020.
Samtang ang ikatulo nga operasyon nahimo sa Purok Kijok, sitio Galaxy, Barangay Tanke ug nasikop si alyas Chel, 40 anyos nga nagpuyo sa nahisgutang lugar. (RTB)
