GIBUTANG ang tanang ospital ilalom sa Provincial Government of Bohol sa Code White Alert aron mangandam sa posibleng pagsaka sa mga sakit ug kadaut atol sa selebrasyon sa Pasko ug Bag-ong Tuig.
Sumala kang Provincial Health Officer Dr. Fruserma Mary Uy, ang lakang misunod sa direktiba sa Department of Health nga nagbutang sa tanang ospital sa nasud ilalom sa heightened alert status hangtod Enero 6, 2025.
Andam ang 10 ka devolved hospitals sa probinsya sa pag-atubang sa mga holiday-related emergencies lakip ang firecracker-related injuries ug aksidente sa karsada. Giingon ni Dr. Uy nga kasagaran mosaka ang mga pasyente sa emergency room panahon sa bakasyon.
Gipahimangnoan usab ang mga motorista batok sa drunk-driving tungod sa posibleng pagsaka sa mga biktima sa road crash.
Gidasig sa DOH ug PHO ang publiko nga mosunod sa safety precautions ug mangayo dayon og medikal nga tabang kon gikinahanglan. (RTB)
