GISUGDAN na karon ang opisyal nga trabaho sa SM Tagbilaran human makita ang usa ka backhoe nga nagpadayon sa paghawan sa mga sagbot ug pag-andam sa sulod sa maong lugar.
Sa obserbasyon, klaro na ang kalihukan sa site preparation nga nagtimaan sa pagsugod sa proyekto nga dugay nang gipaabot sa kadaghanang Bol-anon.
Ang maong lakang naghatag og kasiguruhan nga padulong na sa aktuwal nga pagtukod ang SM Tagbilaran.
Gilauman nga ang proyekto magdala og daghang oportunidad sa trabaho, ilabi na sa mga lumulupyo sa probinsya sa Bohol, lakip na ang trabaho sa construction, retail, ug lain pang mga serbisyo sa umaabot.
Sa pagkakaron, padayon ang pagmonitor sa kahimtangan sa proyekto samtang naglaum ang publiko nga mapadali ang mga sunod nga hugna sa pagtukod sa SM Tagbilaran, nga gilauman usab nga makadugang og kalihukan sa lokal nga ekonomiya. (RTB)
