ANG Inter-agency Coordination Meeting (ICM) sa ASEAN 2026 National Organizing Council – Office of the Director-General for Operations gipahigayon niadtong Biyernes, Nobyembre 28, 2025, sa Be Grand Resort sa Panglao.
Gipasiugdahan sa Department of the Interior and Local Government (DILG), ang tigom nagtapok sa mga mahinungdanong representante gikan sa nagkalain-laing ahensya sa nasudnong gobyerno aron i-align ang mga pagpangandam alang sa nasud sa pag-host sa ASEAN 2026.
Ang Kagamhanan sa Probinsiya sa Bohol, pinangulohan ni Gobernador Aris Aumentado, aktibong misalmot uban sa mga delegado gikan sa Local Government Units.
Ang ilang presensya nagpasiugda sa kaandam sa probinsiya sa pagsuporta sa nasudnong paningkamot ug pagsiguro sa hapsay nga interagency coordination.
Isip unang UNESCO Global Geopark sa Pilipinas, gipasiugda sa Bohol ang mahinungdanong papel niini sa pag-host sa mga internasyonal nga pakiglambigit ug gipamatud-an pag-usab ang pasalig niini sa pagtampo sa malampuson nga ASEAN 2026. (RTB)
