ANG Panggamhanan sa Probinsiya sa Bohol, ubos sa pagpangulo ni Gobernador Erico Aristotle Aumentado, mapasigarbuhon nga nagsaulog sa Bohol Employment and Placement Office – Public Employment Service Office (PESO), nga gipangulohan ni Maria Vilma Yorong, tungod sa pagka-award sa 2024 Regional Best PESO – 1st Class Province Category atol sa 2024 Search for Best PESO Awards.
Kini nga pag-ila nagpasidungog sa talagsaong kontribusyon sa BEPO-PESO sa pagpatuman sa mga programa ug serbisyo sa pagpadali sa pagpanarbaho, pagmugna og lig-on nga pakigtambayayong sa mga importanteng stakeholders, ug paghatag og suporta sa mga kaubang PESO Managers sa tibuok Rehiyon VII.
Isip Top Regional Performer, ang BEPO-PESO nirepresentar usab sa DOLE Region VII sa 2024 National Best PESO Awards.
Kini nga pasidungog nagpasiugda sa dili matarug nga pasalig sa Bohol sa pagpauswag sa mga oportunidad sa panarbaho ug pagpalig-on sa paglambo sa mga trabahante.
Congratulations…BEPO-PESO! Ang inyong dedikasyon nagpadayon sa pagbayaw sa mga Boholano ug pag-usbaw sa pag-uswag sa probinsiya, matod sa gobernador. (RTB)
