OPISYAL nga gitugyan sa Kagamhanan sa Probinsiya sa Bohol ang ganting salapi ngadto sa mga mananaog sa Miss Governor’s Cup (MGC) 2025 isip pag-ila sa ilang partisipasyon ug mga nahimo.
Alang sa 2025 nga edisyon, ang mga premyo gihatag ingon sa mosunod: Winner (Christel Antonette Panelo, LGU Buenavista) – ₱8,000; 1st Runner-Up (Aldin Jasmin Sajulan, LGU Pilar) – ₱7,000; 2nd Runner-Up (Analyn Abe Salise, LGU Garcia-Hernandez) – ₱6,000; 3rd Runner-Up (Melsi Stephanie Sarigumba, LGU Calape) – ₱5,000; ug 4th Runner-Up (Gibbrelle Russo, LGU Tubigon) – ₱4,000.
Samtang sa Consolation Prizes sila maosi Maureen Macalam, LGU Duero; Ivy Lacea, LGU Balilihan; Micah Espinola, LGU Valencia; Mary Collete Daniel, LGU Jagna; Joella Mae Abejo, LGU Loon; Mae Antonette Anaviso, LGU Maribojoc; ug Arlin Frelle Ramasola, LGU Candijay – ₱1,000 matag usa.
Sa ngalan ni Gob. Aris Aumentado ug sa Kagamhanang Probinsiya, si Atty. Filipina Asoy-Piollo (COS-GO) personal nga mipahalipay sa mga kandidato ug mihatag sa mga pasidungog.
Ang Miss Governor’s Cup ipahigayon ubos sa Governor’s Cup events, diin ang matag munisipyo magpadala ug representante aron ipakita ang talento, kahanas, ug panaghiusa sa tibuok probinsya. (RTB)
