NAGPAHIBAWO ang Tagbilaran City Science High School (TCSHS) sa laing batch sa ilang Entrance Examination alang sa incoming Grade 7 students.
Kini ang gipahibawo ning pamantalaan ni Ms. Joanna Marie Estrella, Guidance Designate sa maong tunghaan.
Matod niya nga alang sa mga gustong mokuha sa examination, ang schedule sa registration nagsugod niadtong Mayo 18, 2022 ug molanat ngadto sa Mayo 31, 2022.
Ang requirements sa application para sa Grade 7 mao ang mga mosunod:
Photocopy sa Form 138 (Report Card) sa Grade 6 nga dunay grado nga dili moubos sa 85 sa English, Math ug Science gikan sa 1st to 3rd rating periods ug dili moubos sa 83 nga grado sa ubang mga subject. Mas preferable dad-on ang original copy;
Certification: sa mga estudyante nga naapil sa upper 10% sa grade VI graduating class nga rekomendado sa ilang tagsatagsa ka principal. (RTB)
