BARANGAY kagawad nga gitumbok nga usa ka high value individual kun HVI pusher, nadakpan atol sa buy-bust operation didto sa Purok 1, Brgy. San Isidro, lungsod sa Inabanga, mga alas 9:30 sa gabii niadtong October 29, 2025.
Ang dinakpan giila nga si John Rey Estose y Alfeche, HVI (Newly Identified), Pusher, 29 anyos, minyo, self-employed, kasamtangang brgy. kagawad, taga Purok 1, Brgy. Luyo, Inabanga.
Ang Municipal Drug Enforcement Team sa Inabanga Police Station, pinangulohan ni PLT Jeyson Flores, deputy chief of police,led by PLT JEYSON G FLORES, DCOP, under ubos sa superbisyon ni PCapt. Albert Sator, hepe sa kapolisan, pinaagi sa koordinasyon sa PDEA-7 Bohol nagpahigayon og anti-illegal drug operation sa maong dapit ug niresulta sa pagkasikop sa maong suspek.
Nakumpiskar gikan kaniya ang usa ka putos nga gidudahang shabu nga maoy subject sa palit, ug P500 nga buy-bust money ug laing arekober gikan sa iyang posisyon ang 11 ka mga putos sa gituohang shabu ug ang sudlanan niini.
Ang nabawing gituohang shabu gibanabanaang motimbang ngadto sa upat ka gramos ug may Standard Drug Price nga mokabat ngadto sa P 27,200.
Giandam na ang sumbong paglapas sa Akta Republika 9165 kun Comprehensive Dangerous Drugs Act nga ipasaka batok kaniya sa piskaliya.
Samtang sa laing bahin usa ka piniriso ug taga lungsod sa Jagna kinsa nag -atubang og laing kasong kriminal sa korte, gidakop sud sa Bohol District Jail, sa Brgy.Cabawan, siyudad sa Tagbilaran mga alas 9:30 sa buntag niadtong nakalabay nga adlaw.
Ang akusado giila nga si Dindo Alferez y Lapoz, 37 anyos, ulitawo, construction worker, taga Purok 7, Brgy. Lonoy, Jagna, Bohol.
Ang ginsakpan sa Jagna Municipal Police Station, pinangulohan ni PCPT Winston Durano Magdadaro, hepe sa kapolisan, nisikop sa maong akusado sa nasoy’ng bilanggoan.. pinasikad sa gahom sa warrant of arrest gumikan sa krimeng Other Acts of Child Abuse, giluwatan ni Hon Samuel Biliran, Presiding Judge sa Regional Trial Court (RTC), 7th Judicial Region, Branch 50, Loay, Bohol.
Ang maong hukmanan mirekomendar og piyansa nga mokantidad ngadto sa P80,000 alang sa iyang temporaryong kagawasan. (RTB)
