GI-DISMISS sa Ombudsman gumikan sa Grave Misconduct sila Guindulman Mayor Albino ‘Ben’ Balo ug mga kauban si Municipal Accountant Consolacion P. Dela Peña, Municipal Treasurer Jean A. Janiola, Municipal Assesor Christopher G. Beruan, Budget Officer Aida I. Mahilum, Municipal Engineer Rodney Jones Labang, Ariston S. Beronio, Engineering Aide Jun Andreo E. Cellacay, Evalyn J. Hinatuan nga HRMO Designate ug Dennis Theodore M. Besinga.
Mahitungod kini sa reklamong administratibo nga gisang-at niadtong Pebrero 28, 2024 ni Bernard Banal kalabot sa matud pa iregularidad sa 2023 Multi-Purpose Billboard Cell construction project ug ‘Giant Christmas Tree’ nga gitukod niadtong 2022.
Abswelto hinuon sa maong reklamo sila Jun Andreo Cellacay, Consolacio Dela Peña, Aida I. Mahilum ug Christopher G. Beruan. (Kahlil Lester O. Camba)
