GIHULAGWAY ni ‘Tigpanalipod’ Atty. Jordan Matig-a Pizarras nga ang Konstitusyon sama ra sa Special Power of Attorney.
“Ang atong Constitution mura ni ug Special Power of Attorney ( SPA) nga atong gihatag sa mga opisyales: Presidente, Bise-Presidente, Senador ug mga Congressman”, pamahayag pa niya.
Dugang pa niya, “Section 1. The Philippines is a democratic and republican State. Sovereignty resides in the people and all government authority emanates from them.”
“Ato silang gitagaan ug gahum nga mohimo sa mga angay buhaton. Apan tungod kay gi-abusar man ang hinatag nga gahum- pinaagi sa pagkawat sa kwarta sa nasud- pwede ni bawion pinaagi sa People Power.”
Kahinumduman nga usa si Atty. Pizarras sa mga nisaway sa mga kalapasan sa balaud nga kasagarang resulta sa pagpang-abusar sa gahum.
Sa laing bahin, isip malampusong Appelate lawyer sa nasud gikalipay pagpahibalo ni Atty. Pizarras ang pagka-acquitt ni Arnold Navales nga usa ka myembro sa BAC sa Metro Davao Water District.
Na-konbikto siya ug mga kaubanan sa Sandiganbayan sa giingong kalapasan sa Akta Republika 3019 o Anti-Graft and Corrupt Practices Act.
“Hing-duol nako para mag-patabang sa ilang apila sa Supreme Court. Among gi-tepresentahan sa Korte Suprema. Paglabay sa pila ka tuig… Acquitted”, suma pa ni Atty. Pizarras.
“Praise the Lord!Hurrah to the Supreme Court and Justice Marquez!” (Kahlil Lester O. Camba)
