PABOR ang batan-ong bokal gikan sa ikatulong distrito sa Bohol DJ Balite nga ipahigayon ang lifestyle check sa mga opisyal sa gobyerno.
Matud pa ni BM Balite, dako siyang uyon nga himoon ang pagsusi sa estilo sa kinabuhi sa mga government official aron makita ang tinud-anay nga kahimtang.
Nagkanayon ang bokal nga walay angay kabalak-an sa himoong lakang ang mga opisyal kun wala kining dili maayong binuhatan gani siya mismo andam ug bukas siya bisan unsa orasa alang sa lifestyle check.
Una niini si President Ferdinand “Bongbong” Marcos Jr nimando nga ipaubos sa lifestyle check ang mga opisyal sa gobyerno nonot sa isyu kabahin sa anomalosong flood control projects.
Pipila na usab ka mga opisyal sa gobyerno ang mipadayag og kaandam nga ipaubos sila sa lifestyle check lakip na ang mga opisyal sa Department of Public Works and Highways. (RTB)
