GITAKTAK si Dauis Mayor Mariam Sumaylo sa katungdanan human nakit-an nga sad-an sa kasong paglapas sa Republic Act 6713 nga nailhan nga Code of Conduct and Ethical Standards for Public Officials and Employees.
Ang administrative complaint batok ni Sumaylo sa kasong Gross Neglect of Duty human nihatag og business permit sa buwangan sa Dauis nga walay franchise.
Ang silot nga gipakanaug sa Ombudsman naglakip sa Dismissal gikan sa serbisyo uban sa Accessory Penalties nga cancellation of Eligibility, Perpetual Disqualification from holding public office. Gidid-an pagkuha sa Civil Service Examination ug forfeitures sa tanang retirement benefits kun dili na mapatuman ang silot sa dismissal tungod sa pagbiya sa serbisyo ang silot ibaylo ngadto sa multa.
Ang multa katumbas sa iyang tinuig nga sweldo sulod sa usa ka tuig nga ibawas sa bisan unsang retirement benefits o receivables ug ibayad ngadto sa Office of the Ombudsman.
Si Atty. Popot Marapao abogado ni Sumaylo niingon nga nadawat na nila ang Resolution gikan sa buhatan sa Ombudsman niadtong Huwebes.
Miingon si Marapao nga dili pa final ang desisyon sa Ombudsman ug ilang tun-an ang pagduso og legal nga lakang.
Giseguro sa abogado nga tubagon sa iyang kliyente ang desisyon sa Ombudsman ug hayan himoon nila kini sugod ugma. (RTB)
