Before closing our episodes about the recently-concluded local and national elections, permit me to continue on some tsismises.
This is just halo-halo sort of tsismis, so bear with me.
* * *
After filing her certificate of candidacy for congress, she floated the idea that she could easily beat the incumbent.
Asa ra man nang iyang kwarta sa among binarko nga kwarta, she was quoted as saying. Bisan og siya ang incumbent, pero may laban gihapon ko kay tugbangan namo nang iyang pagka-incumbent sa among sinako nga kwarta.
Lumsan namo og kwarta ang among distrito, and many more valiant claims.
Of course, she has no other viable options.
Sa looks pa lang, tambokikay, lapad og nawong, mubo pa dyod. In brutal short, there is a whale of difference between her and the incumbent congressman. Sa utok pod, aynalang, pasagdi na lang kay morag naas tuhod ang utok pod.
* * *
Sa emotional stability, susko, kalas pod og bana o uyab. Nagpakasal tuod pero wa pod magdugay ang kaminyoon, bulag dayon. We don’t know who was the culprit but suffice it to say nga wa sila molungtad isip bana ug asawa.
Layo ra sa incumbent nga hangtod karon, ug sulod sa dugay na nga panahon, sweet lang gihapon ang incumbent congressman ug iyang bana.
Kay bulag na man sa bana, dali ra pod kakita og uyab, ulitawo unya gwapo ra pod kaayo para niya. Pero kay taga-yubar man, unya tisoyon pod, unya gahuna-huna pod tingali nga basin modaog iyang uyab pagka-congressman, giagwanta na lang pod sa ulitawo ang iyang uyab.
So all in all, layo ra gyod kaayo ang challenger sa incumbent nga congressman.
* * *
Kay gipasaligan man sa gobernador nga tagaan og 50 milyones aron magamit sa kampanya, mituo pod dayon mao tong perte naka-bunal sa congressman.
Hilabihang isoga mibiay-biay kay nagtuo gyod siya nga duna siyay dag-anan batok sa incumbent nga congressman.
Padung motak-op ang campaign period, nagkinahanglan na siya sa gisaad nga kwarta kay para unta sa inangayan.
Oy, di na man makontak ang gobernador.
Diha siyay gamay nga kwarta pero di paigo sa kwentada sa iyang mga barangay ug municipal coordinators.
Sugod na iyang kutas.
Nagplano na unta to siya nga ipamaligya na lang ang iyang bahin nga mga kayutaan aron iyang magamit sa inangayan. Apan gitambagan siya nga dili maayo ang iyang plano kay uroy og mapildi.
Nadugangan pa ang iyang kutas sa dihang iyang nahibaw-an nga gikopras ra ang iyang gipanghatag nga mga inangayan kay matod pa sa mga lider sa barangay ug sa municipal, dili na mabangbang ang ilang mga tawo kay adtos incumbent congressman mo-suporta.
Wa kaagwanta, naospital.
* * *
Og samtang didto siya sa ospital, iyang nahibaw-an nga gilubong intawon ang gobernador sa kaatbang niini human sa canvassing tungod kay pipila lang ka lungsod ang gidag-an ini sa tibuok probinsiya.
Ang resulta, nayabo siya, nayabo pod ang iyang mga kandidato pagka gobernador ug bise gobernador.
Nayabo pod og apil ang iyang ig-agaw nga iyang gipalansad pagka-mayor nga mao untay mopuli kaniya.
Unsay hinungdan nga napildi man pod pagka-mayor?
Di matabang ang kwarta sa pikas.
Sa unang higayon, natagak na gyod ang korona nga dugay na nila nga gihuptan.
Naleksiyon gyod og maayo ang mga hambogero.
* * *
Subo kaayo ang dagway sa mga empleyado sa munisipyo karon.
Ngano man?
Nagtuo man lagi sila nga di gyod mapildi ang mga Insik nga dugay nang namunoan sa maong lungsod. Tungod niini, ilang gibuhat taman sa mahimo nga motabang sa kampanya sa ilang kandidato.
Apan, di na matulon sa mga tawo ang pamilya sa mga Insik. Pirmi lang panghinambog, pang-hulga ug pang-daog-daog sa mga tawo. Gawas pa niini, ilang nakita nga huyang kini kon ikomparar sa mga nangaging namunoan nga mga Insik sab.
Og labaw sa tanan, wala na makita sa mga tawo ang nagbaha nga kwarta, mga saad na lang ang nagbaha. Saad nga way pagka-tuman.
Sa dihang nagsugod na ang canvassing, dali ra kaayo misulpot nga nag-una nga kandidato pagka-mayor og dali ra sab kaayo gibiyaan ang kandidato nga Insik.
Resulta pa, sobra sa 2 ka libo ka mga boto ang diperensiya sa nag-unang kandidato ug ang kandidato nga Insik.
Huyhoy ang mga abaga sa mga empleyado sa munisipyo.
Gikataw-an na sila karon og gitawag na lang og “TamJun” o taman lang sa June 30.
Inig ka Hulyo na, nagtuo sila nga dunay dakong panglibwas nga mahitabo.
Leksiyon sab kini nila.
Kon mag-apil kag sugnod sa politika, dunay dakong posibilidad nga maapil sab kag kasunog.
* * *
Ingon pod ang akong mga amigo sa Cebu og Manila, ah, gipapha man gyod ninyo ag Insik. Unya di kay papha lang, gilubong pa gyod og maayo.
Mitubag lang sab ko og – aw, miabot na pod ang takna sa panudya. Klaro kaayo nga wa mauyoni sa mga katawhan ang gihimo sa Insik.
Bisan nagpabaha siya og kwarta, og nagpabaha sab og mga saad, wa na gyod niya matabang.
Gawas nga gilubong siya sa balota, gikopras pa gyod siya sa mga tawo.
Buot ipasabot, gidawat ang iyang inangayan nga tag-200 pero wala siya botohi.
Maayo na lang kay gitambagan siya sa iyang amahan nga, Dong, hunonga na nang imong gibuhat. Wa gihapon kay chance kay matod pas akong pakisusi sa mga negosyante dihas probinsiya, daghan kaayo kag mga kontra Dong. Nasuko kaayo nimo ang mga tawo.
Nagpatuo pod ang Insik.
Og mao kana ang hinungdan nga kadtong mga Mayor ug mga kandidatong Mayor, wa na gyod intawon maabti sa gisaad nga mga milyones.
Imbis ipanghatag, gidala na lang og balik sa Manila sakay sa gipadala nga private plane sa amahan sa gobernador.
Huyhoy sab ang abaga sa gobernador. Misamot kapikot ang mata og imbis di maklaro ang linakwan, naunsa ba nga nag-igwad-igwad na man molakaw.
Epekto kuno ni sa collagen nga pirmi gitomar aron mahamis og mosamot ka puti ang iyang panit.
* * *
Huyhoy sab ang abaga sa mga empleyado sa kapitolyo.
Kasagaran kanila, nagpa-sipsip og maayo sa ilang pinalanggang Insik. Gawas sa pagtabang sa kampanya, kusog pa gyod kaayo nga mangaway sa pikas.
Kon mag-post sa Facebook, mora’g way gikahadlokan, morag way kamatayon. HIlabihan ra kaayo mobiay-biay ug mag-gama-gama og storya.
Sama sa mga empleyado sa munisipyo, nagtuo pod sila nga modaog gyod ang Insik tungod sa kwarta niini.
Pag-canvassing pa bitaw, dali ra kaayo nakita nga padung gyod ilubong ang Insik kay bisan sa mga lugar nga matawag og ilang balwarte, gipildi man siya sa kontra, og layo pa gyod ang biya.
Bisan sa mga lugar nga ila ang mayor, gibagdok gihapon.
Hasta sa lugar nga walay mayor ang kontra, gilubok gihapon og maayo ang Insik sa kontra.
Naglisod sila og tuo. Ngano man?
Nagkadugay ang canvassing ug inanay nga nagkalayo ang gap sa boto sa Insik ug sa kontra niya.
Hangtod nga miabot sa ponto nga giluod na ang Insik og paminaw, naghimo na lang siya og sulat nga modawat na lang sa iyang kaparotan.
Dinhi niining pontoha, naka-believe kos Insik.
* * *
Meanwhile, a transition team is now working for the smooth turn-over of the outgoing and the incoming administration of the province.
This is the usual chore when there is change in administration.
The members of the transition team are usually the ones who will be manning key positions in the incoming administration.
But the focus of the works is basically the turn-over rites this coming June 30 because by July 1, the new administration will formally assume office.
More on our next episode.
