MISULBONG ang voters’ preference ratings sa tandem nilang Kongresista Aris Aumentado ug Senior Board Member Victor Balite sa ikaduhang survey nga gihimo sa Holy Name University Center for Research and Publication (HNU-CRP) gikan sa Abril 10 hangtod Abril 29 niining tuiga.
Igo na ang maong pagsaka nga nakapahimo kang Aumentado isip gubernatorial frontrunner nga adunay 54-porsiyento nga rating ug nabutang si Balite sa ‘statistical tie’ isip labing maayong kandidato sa pagka-bise gobernador nga adunay 42 porsyento.
Si Gobernador Art Yap kinsa nagtinguha nga magpapili pag-usab naa sa ikaduhang puwesto nga adunay 41-porsiyento nga preferential rating samtang ang iyang running mate nga si Bise Gobernador Rene Relampagos nakakuha og 51 porsyento.
Ang margin of error sa survey anaa sa ±5 nga nagpasabot nga ang usa ka kandidato kinahanglan manguna sa labing menos 11 ka porsyento nga puntos aron makonsiderar nga klaro nga frontrunner.
Sa unang survey sa HNU-CRP nga gihimo niadtong Pebrero 28 hangtod Marso 21, si Yap maoy nanguna kang Aumentado, 54-43 samtang si Relampagos milupig kang Balite sa two-man, vice-gubernatorial race, nga 72-26.
Si Aumentado ang nanguna sa Calss ABCD apil sa mga respondents sa Class E nga nakakuha siya og klaro nga labaw kay sa ni Yap nga gipakita sa survey sa Abril.
Ang duha ka kandidato nakakuha og 50-46 sa Class ABC, 52-41 sa Class D ug 63-36 sa Class E diin tanan pabor kang Aumentado.
Ang last-termer nga kongresista midominar usab sa Tagbilaran City ug sa una ug ikaduhang distrito nga adunay ratings nga 67, 49, ug 45, matag usa.
Samtang, nakakuha si Yap og 28, 41, ug 31, sa Tagbilaran City ug sa una ug ikaduhang distrito, matag usa.
Nag-una lang ang gobernador sa ikatulong distrito diin nakakuha siya og 53 porsiyento kaysa 44 porsiyento ni Aumentado.
Pagka-Kongresista
Si Kongresista Edgar Chatto mao gihapon ang klarong top preferential candidate sa unang distrito nga adunay 70-percent preferential rating.
Sa ikaduhang distrito, si Van-van Aumentado nagtabla sa istatistika uban ni Jaja Jumamoy kay parehong nakakuha og 52 porsiyento ug 37 porsiyento, matag usa.
Ang margin of error para sa ikaduhang distrito anaa sa ±10 nga nagpasabot nga ang kandidato kinahanglang manguna og labing menos 21 percentage points aron makonsiderar nga manguna sa kontra.
Sa ikatulong distrito, si CongW. Alexie ‘Kumbati’ Tutor nag-una nga adunay 72-porsiyento nga preferential rating batok iyang labing duol nga kaatbang nga si Mayor Katkat Lim sa Valencia nga nakakuha lang og 23 porsiyento. (RTB)
