GIKLARO sa Department of Education (DepEd) nga walay “auto-pass” o awtomatikong pagpasar sa mga estudyante sa mga pampublikong tunghaan.
“Wala pong policy ang DepEd na automatic na pagpasa sa mga estudyante”, matud ni Education Secretary Sonny Angara.
Gipasalig ni Angara nga ang polisiya nga nagpadayon mao ang pagtutok nga ang tanang mo gradwar nga estudyante kinahanglang adunay kalidad ug igong kahibalo ug dili lang basta gipasar.
Giila ni Angara nga ang pipila ka sestematikong mga gawi ug pressure mahimong makadasig sa mga eskwelahan ug magtutudlo nga ipasar ang mga estudyante bisan unsa pa ang ilang performance.
”Pero dapat din nating aminin—may ilang bahagi ng sistemang minana natin na parang tahimik na nagtutulak sa mga paaralan at guro na iangat ang bata,” padayag ni Angara.
“Hindi nakasulat ang mass promotion bilang patakaran—pero sa ilang lugar, tila naging tahimik na normal ito. Gusto naming baguhin ‘yon”, ingon ni Angara pa.
Matud sa DepEd nga ang maong mga gawi naglakip sa incentive structures nga mahimong maghatag og impression nga awtomatikong pasar ang estudyante ug usahay dili dayon kini masulbad sa lokal nga pamunoan.
Gipadayag ni Angara nga ang evaluation sa mga magtutudlo sa DepEd gibase sa daghang aspeto sama sa performance, process, financial, ug citizen/client satisfaction results, ug dili sa gidaghanon sa tinun-an nga nipasar.
“Kapag ang sukatan ng tagumpay ng paaralan ay nakatuon lang sa dami ng pumapasa, at kapag nararamdaman ng guro na dito rin nakasalalay ang sarili nilang evaluation o promotion, hindi na nakakagulat kung doon din pupunta ang takbo ng sistema”, matud ni Angara.
Ug aron maresolba kini mohimo ang DepEd og reporma sa ilang palisiya sa assessment, remediation, ug promosyon sa mga tinun-an.
Gusto sa DepEd nga ipatuman ang klaro nga standards, husto nga remedial support, ug patas nga evaluation alang sa mga magtutudlo aron masiguro nga ang ang tagsa-tagsa ka kauswagan sa estudyante base sa actual nilang nakat-onan. (RTB)
