GIBUKSAN sa Commission on Elections ang kampaniyang lokal sa mga kandidato pinaagi sa pagpanangtang sa election campaign materials nga nakalapas sa lagda sa balaod.
Ang maong kalihokan gipangulohan ni Atty. Francisco Pobe, Jr. direktor sa Comelec-7 uban sa mga personnel sa Department of Public Works and Highways.
Gipanglaksi sa Comelec ang tanang campaign poster nga gipamutang sa dili designated poster area.
Apil ang mga pampublikong tunghaan sa Bohol diin gilibot ang kural nga gipangpilitan og campaign materials.
Ang mga poster nga gipahimutang sa mga poste sa kuryente ang wala usab palabya sa Comelec diin halos tanang partido nga lokal adunay gipangtaod nga campaign posters.
Nabantayan sa Comelec ang campaign posters sa designated area sama sa ibabaw nga bahin sa kamerkaduhan apan gikatahong aduna gihapon kini kalapasan sa lagda sa kampaniya sa eleksiyon.
Gipasabot ni Gujilde nga dili mahimong direktang ipilit sa usa ka existing government structure ang campaign poster diin gikinahanglan nga mohimo og kaugalingong skeleton ang mga kandidato nga butangan sa ilang campaign materials. (RTB)
