GIKALIPAY sa mga opisyales sa Ubay ang pagdagayday sa grasya human gi-turnover ang P270M kantidad sa nagkadaiyang infrastructure projects.
Nanguna sila Congw. Vanvan Aumentado, Mayor Costan Reyes ug District Engineering Office -2 District Engr. Fernando Talagsa inubanan sa opisyales sa barangay.
Giilisan ang Ditta Bridge sa Brgy. Calanggaman nga kantidad P35M samtang gipalapdan ang Brgy, HumayHumay-Brgy. Camambugan road nga kantidad P45M.
P60M ang gigahin alang sa pagpalapad sa kalsada sa Brgy. Bood ug P50M sa pagsemento sa Brgy. Sinandigan-Cagting-Juagdan-Cuya road.
Gisemento na usab ang Brgy. Tapal-Brgy. Sentinela road kantidad P30M ug P50M sa pagsemento sa Brgy. Benliw-Brgy. Cagting Road.
“Damgo ninyo ug damgo usab namo ni Gov Aris Aumentado nga masemento, ug finally natagamtam na nato. Ato ni Ubay,” pamahayag pa ni Congw. Vanvan.
“Kwarta sa Gobyerno, buhis sa mga katawhan. Igo lang ta nipahiluna sa mga programa sa atong Gobyerno.” (Kahlil Lester O. Camba)
