NI-HOST ang Kapitolyo pinaagi sa Provincial Disaster Risk Reduction Management Office (PDRRMO) sa labing unang regional Disaster Risk Reduction Management – Climate Change Adaptation (DRRM-CCA) conference niadtong Marso 19 sa Panglao.
May tema, “Strengthening Local Resilience: Advancing Disaster Preparedness and Response in Region 7,” ang panagtapok sa mga lokal nga opisyal sa DRRM inabagan sa Bohol Association of DRRM Officers (BALDRMMO) ug sa League of Local DRRM Officers (LDDRMO) sa Sugbo.
Si Anthony Damalerio, presidente sa Region 7 Federation of Local DRRM Officers, miabi-abi sa mga partisipante sa 2 ka adlaw nga gab nga nagpasiugda sa mga adbokasiya ug kawsa sa DRRM-CCA.
Pag-abli sa mga sesyon, si Karl Michael Din, residenteng geologist, mipresentar sa Bohol Island Geopark, nga nagpaambit sa kamahinungdanon sa paghiusa sa geoscience ug disaster resilience.
Samtang, ang updates sa climate change initiatives ang gitaho ni Cong. Edgar Chatto, kasamtangang chair sa House Committee on Climate Change.
Ang komperensya nagpakita usab sa mga diskusyon sa kasamtangang Mt. Kanlaon eruption response operations ni Ver Neil Balaba sa Office of Civil Defense (OCD); Disaster Response Operation Management Information and Communication (DROMIC) ug camp coordination ug camp management ni Maribeth Bachoco-Belleza sa Department of Social Welfare and Development; ug Disaster Preparedness in the Seal of Good Local Governance ni Reina Quilas sa Department of the Interior and Local Government.
Sa iyang mensahe, gipahayag ni Atty. Filipina Asoy-Piollo, Chief of Staff ni Gov. Aris Aumentado kinsa nihatag og gibug-aton sa importansya sa Bohol isip una ug bugtong UNESCO Global Geopark ug Regenerative Island sa nasud nga manguna sa mga paningkamot sa pagpangandam padulong sa kalig-on.
Gihatagan usab niya og gibug-aton ang sulundon nga dedikasyon sa Bohol PDRRM sa mga programa sama sa pagpalig-on sa TaRSIER117 isip quick response arm sa PDRRMO, pagtukod sa Unified Command Center, capacity building, pagmugna sa Sangguniang Panlalawigan Committee on Climate Change ug partnerships nga makapalambo sa mga programa sa DRRM.
Kini, matod niya, misangpot sa pag-ila sa Bohol isip benchmark sa mga programa sa DRRM ug nakaangkon sa probinsiya sa Gawad Kalasag nga pag-ila sulod sa 3 ka sunodsunod nga tuig.
Ang gobernador miingon nga ang hiniusang paningkamot sa DRRM usa ka lakang padulong sa luwas, luwas, ug mas malungtarong kaugmaon alang sa Sugbo ug Bohol.
Si BALDRRMO President Jeryl Lacang-Fuentes ug Cebu LLDRMO President Roland Reyes nipadayag og pasalamat ngadto sa mga organizers ug partisipante sa pagtapos sa unang adlaw sa conference.
Ang rehiyon 7 local DRRM officers’ federation nakigtagbo kang OCD Regional Director Joel Erestain sa ikaduhang adlaw. (RTB)
