USA ka 58-anyos nga babaye gipusil-patay sulod sa iyang giabangan (Boarding House-BH) nnga lawak sa usa ka boarding house sa Barangay Tawala, Panglao niadtong Lunes sa gabii, matod sa kapulisan.
Matod ni Kapitan Arnulfo Acilo, hepe sa Panglao Police Station, ang biktima nga si Jennifer Cabunag namatay diha-diha human nakaangkog samad pinusilan sa ulo.
Ang gunman misulod sa boarding house mga alas 7:30 sa gabii. ug sa way pagduha-duha gipusil ni Cabunag ang blangko atubangan sa iyang kapuyo nga babaye nga nakig-uban niya sa panihapon sulod sa giabangang lawak.
“Ang biktima naa ra nag abang sa first floor ug matud pa sa iyang kauban, abri ra daan ang purtahan sa [boarding house] pero naay kurtina unya ang suspek nangayo nangita sa anak sa biktima mao iyang gi wakli ang kurtina aron mo tan-aw kinsa, mao tong kalit raman na dunay ni boto unya nahagba ang biktima,” sigion ni Acilo.
Ang hepe sa kapulisan nagkanayon nga personal nga pagdumot ang ilang gilantaw nga posibleng motibo sa pagpamusil.
Base sa inisyal nga imbestigasyon sa kapulisan, nakadawat og mga hulga ang biktima gikan sa suspek kansang pagkatawo gipugngan aron dili mabutang sa peligro ang nagpadayong imbestigasyon.
Ang live-in partner ni Cabunag, kinsa nagtrabaho atol sa insidente sa pagpamusil, nitug-an sa kapolisan nga nakadawat og hulga sa kamatayon ang biktima gikan sa suspek pipila ka oras sa wala pa ang pag-atake sa pusil.
“Mga 5 sa hapon nanawag ang biktima sa ka live-in nga dunay hulga. Mao na toy last na storya nila,” ni Acilo pa.
Matod ni Acilo, ang gunman nga nagsul-ob og pula nga helmet ug pink nga jacket daling misibat palayo sa lugar sakay sa itom nga Honda XRM.
Samtang, wala nay kinabuhi ang biktima dihang niabot sa crime scene ang mga polis nga gialarma sa ubang mga tenant sa boarding house. (RTB)
