NAGKANAYON ang osbispo sa dyosesis sa Tagbilaran nga isip Pilipino nga naglantaw sa kaayohan sa nasud, katungod usab nila nga mga kaparian sa Bohol nga mopadayag sa ilang baruganan mahitungod sa umaabot nga piniliay.
Matud ni Bishop Abet nga wala kini problema tungod kay katungod usab kini sa religious sector apan dili lang nila gamiton ang simbahan.
Giawhag usab niini ang kaparian alang sa pag-ampo ug pamalandong alang sa umaabot nga eleksiyon.
Subay niini, ang Obispo niawhag sa katawhan, mga sakop sa nagkalainlaing religious associations nga dili magpanuko sa pagbutyag sa gipili ubos sa ilang kabubot-on ug mag-inampuon. (RTB)
