GIAWHAG sa Bol-anong assistant secretary sa Department of Agriculture-Visayas, Atty. Salvador ‘Salva’ Diputado, LLM, PhD ang mga kabataang Pilipino nga sudlon ang agriculture business sa Pilipinas.
Sumala ni Diputado nga pinaagi kini sa financial support nga tanyag sa ahensya nga gitawag nga “Kabataang Agribiz Grant Assistance Program”.
Sigon niini nga tumong nga mohatag sa kabataan og tabang pinansyal ang DA aron suportahan ang plano nila nga magtukod og negosyo nga naka-focus sa palay, livestock productions, fisheries, trading, processing, integrated farming, ug agricultural technology.
Gipasabot ni Asec. Diputado nga buot sa kabataang Agribiz nga kumbinsihon ang henerasyon karon nga ang agricultural development ug food production-related endeavors usa ka matang sa maayo nga negosyo.
Dugang sa director nga ang bag-ong programa maoy magpasabot sa kabatan-onan sa importansya sa agrikultura sa ekonomiya sa nasud. (RTB)
