TAGBILARAN CITY, Bohol (PIA)—Nadughit sa Tagbilaran City ug Panglao ang gi-ilogan nga Cities and Municipalities Competitiveness Index (CMCI) subay sa gipasiugdahan sa Department of Trade and Industry’s (DTI) nga pagpatuman sa balaod sa ease of doing business.
Nakuha sa Tagbilaran City ang ikaduhang pwesto sa Government Efficiency Pillar alang sa mga component cities.
Gawas niana, ang Tagbilaran City mingsulbong sa daghan pang mga kategorya.
Gawas sa ikaduhang pwesto sa Government Efficiency Pillar alang sa mga component cities, nga mismong nagpadayag sa epektibo nga pagpadagayday sa serbisyo ngadto sa komunidad ug sayon nga mga pamaagi sa pagduol sa city hall, ika unom usab ang Tagbilaran sa pagpamundar alang sa Infrastructure Pillar, nga nagpadayag sa kasibut sa kagamhanan sa pagpahamis sa mga kadalanan ug pagpabarug sa ug pagpapiskay sa mga pangpublikong imprastraktura.
Nadughit usab sa syudad sa Tagbilaran ang ika pito nga dapit sa Resiliency Pillar, dala sa City Disaster and Risk Reduction management Office ug sa mga inisyatiba sa ALERT, ug ika walo nga lugar sa Innovation Pillar, nga nakapakita sa katakus sa namunuan sa pagtubag sa mga hagit ug mga hulga, pagpangandam alang sa kunhod nga epekto sa nagkausab nga panahon pinaagi sa pagsagop sa mga bag-ong teknolohiya ug mga binag-o nga mga bansay.
Sa kinatibuk-an, ang Tagbilaran City ika 4th sa Most Competitive Component CIty, nga nagpakita sa iyang kapasidad nga manguna sa mga gihangad nga mga sentro sa mga urban development centers sa region.
Sa laing bahin, ang Panglao, nga giila sa iyang puti ug pino nga mga bonbon sa iyang kabaybayonan, nanguna sa Economic Dynamism ug ika duha sa Infrastructure Pillar alang sa 3rd-4th Class Municipalities category.
Kini nga pag-ila sa Panglao, nagpakita sa mga nakab-ot na sa lungsod sa pagpa-abante sa paghipno sa ilang bentaha.
Nagpakita usab kini sa dupot nga paglantaw sa economic dynamism ug pagpalig-on sa pangpublikong imprastraktura.
Sa iyang pagpanguna sa Economic Dynamism Pillar batok sa mga LGUS nga kaparehas niini og classification, ang nakab-ot sa Panglao daku og ikatampo sa sector niini sa turismo pinaagi sa paghatag sa mga local nga industriya sa kahigayunan nga manguna sa pagpa-ugmad sa industriya.
Sa pagkakuha sa lungsod sa ikaduhang pwesto sa Infrastructure Pillar, kini nagpadayag sa panaad sa lungsod sa pagpahanoy sa connectivity ug ang pagpa-angkla sa malungtarong nga kauswagan dinhi.
Sa kinatibuk-an, ika napulo ang Panglao sa Most Competitive nga mga lungsod sa 3rd-4th class municipalities category.
Ang paghatag og kabug-aton sa Panglao sa economic dynamism ug infrastructure nagpahimo niini nga sumbanan usab sa ubang kalungsuran nga angay sundogon. (PIABohol)
