TULO sa mga personal nga adbokasiya ni Congw. Alexie Tutor ang nagpadayon gihapon sa pagtabang sa mga katawhan .
Nag-una ang Pabahay program kon diin kapin 200 na ang napatukod sa Tersiero distrito.
Ika-204 ang balay nilaAlyn ug Edelrico Galia nga taga Purok 5, Tubod Monte, Jagna. 205 ang ila Lilia/Ruperta Jamisola Sepe nga taga Purok 3, Balila, Cambugason , Jagna samtang 206 ang ilahang Maria Pringela ug Ben Andicoy.
Ikaduha ang Patient Transport Vehicle (PTV) nga pribadong sakyanan nga makasakay og libre ang mga Dialysis Patients ug uban pang nagkinahanglan sa ‘medical attention’. Lunes hangtud Byernes kini mobyahe paingon ngadto sa Tagbilaran.
Ikatulo ang ‘TAMBAYAN ni KUMBATI’, usa ka rest area o lounge alang sa mga pasyente kon mahuman na ang treatment o check-up. Ang libre nga pagkaon gibase sa menu nga angayang kaunon sa maong pasyente. (Kahlil Lester O. Camba)
