6 KA mga PABAHAY ni Alexie ang gi-turnover ngadto sa mga nagkadaiyang pamilya sulod sa 1 ka semana lamang.
Ang ika-198 mao ang ilang Florencia Cagampang nga taga Luan, Candijay samtang 199 ang kang Adelfa Muring sa susamang barangay gihapon sa maong lungsod ug ila Adelina Muring Arbon ang ika-200.
“Daghan kaayong salamat as always Brgy Council of Luan ug sa atong mga benes ilabina sa nag andam sa atong gi sao-an ganina. Ug kang Nanay Adelina sa pa lechon nga dugay ra tawn nya g andam-andam para karong adlawa,” pamahayag pa ni Congw. Alexie.
“Nindot pod kaayo ang view dering dapita. Malipay pod ko mo hangad deri nig maka labay ko nga atong balay naa sa ibabao.”
Ika-201 ang ilahang Ana Mae ug Hermogenes Vallespin nga taga Purok 4, San Isidro, Mabini samtang ika-202 tua ilaha na nila Thomasa ug Pablo Naïve sa Purok 5, Cawayanan, Mabini ug ika-203 naa nila Josephine ug Rayl Losaran sa Purok 5, Brgy. Concepcion sa maong lungsod.
“Usa sa atong mga personal na adbokasiya gamit ang atong personal na panodlanan. Ang grasya ug atong i-ambit sa uban, mobalik kanimo sa ikapila ka piloan.” (Kahlil Lester O. Camba)
