NANAWAGAN si retired Colonel ug kanhi VP sa San Miguel Corporation Ariel Oliva Querubin nga magkahiusa ang mga katawhan ug likayan sa ang politikanhong mga hesgutan nga gihulagway niya nga “too divisive”.
Kini human nilikay siya pagtubag kon kinsa iyang suportahan pagkapresidente karong 2028.
Kahinumduman nga niadtong 2010, nilansar siya pagka senador ubos sa ilang presidentiable nga si Manny Villar ug niadtong 2016 iyang gisuportahan si Grace Poe pagka presidente.
Dugang pa niya, angayan nga dunay capability upgrade sa mga military personnel nato human ang modernization program sa AFP.
Nibisita si Querubin dinhi sa atong lalawigan isip usa sa mga dinapit nga bisita alang sa Saulog Festival 2024.
Natawo si Querubin sa Dagupan, Pangasinan apan nagdako sa La Union. Usa ka recipient siya sa Medal of Valor nga pinakataas nga pasidungog nga mahatag sa usa ka sundalo.
Nigradwar siya niadtong 1979 sa Philippines Military Academy ug niuban sa Philippine Marines. Niadtong 2003, iyang nakuha ang Master of Defense Studies sa University of Canberra sa Australia.
Si Querubin ang usa sa mga “bemedaled soldiers’ sa nasud kon diin 49 ang iyang mga medalya.
Pabor usab siya sa Charter Change apan pinaagi sa Consitutional Convention dili ang nahimong kontrobersyal dinhi sa Bohol ug sa uban pang dapit nga People’s Initiative.(Kahlil Lester O. Camba)
