GIBUTYAG ni Sen. Imee Marcos nga mosubay o sundon gyud ang ruling sa Korte Suprema nga nag-deklarar “unconstitutional” ang pag-oktaba sa Barangay /SK Election.
Kini human napangutana ang senadora kabahin sa iyang gi-propose nga 6-year term sa Barangay/SK officials.
Nahidangat sa atong lalawigan sila Sen. Imee Marcos ug Las Piñas City lone district Congw. Camille Villar , kinsa usa sa mga Deputy Speaker didto sa Ubos Balay Balauranan alang sa Saulog Festival 2024.
Ang duha, mainitong giabi-abi nila Gob. Aris Aumentado, City Mayor Jane Yap ug Bise Mayor Atty. Adam Relson Jala.
Siya Sen. Marcos ang Chairperson sa Senate Committee on Electoral Reforms and People’s Participation,Committee on Foreign Relations, Committee on Social Justice, Welfare and Rural Development ug Committee on Cooperatives.
Kahinumduman nga pipila ka higayong na-oktaba ang BSKE arun mahimong “holdover” ang mga incumbents apan gideklarar nga unconstitutional sa Korte Suprema.
Niresulta kini sa pagpahigayon sa eleksyon sa niageng tuig ug laing eleksyon na usab sa 2025 pipila ka buwan human ang midterm election.
Sa mga niageng mga buwan, nibisita ang senadora sa Loboc arun pangunahan ang pagpang-apud sa AICS ngadto sa mga beneficiaries sa Loboc.
Nitambong ang senadora sa Opening sa Governor’s Cup nga gipahigayon didto sa Calape Gym. Ang Calape ang giila nga “Entertainment Capital of Bohol”.
Nanguna usab siya sa lain pang mga AICS distribution didto sa Calape kon diin ang kada usa ka beneficiary nakadawat og tag P3,000. Gikan sa mga silingang lungsod sa Loon , Tubigon ug dunay mga gikan usab sa Alicia ug Carmen.(Kahlil Lester O. Camba)
