Nagpungasi nga P330M kantidad sa mga proyekto ang nag groundbreaking didto sa Pilar gumikan sa hugot nga panaghiusa ug alyansa nila Congw. Alexie Tutor, Mayor Wilson Pajo ug Sangguniang Bayan.
Dunay Road Concreting sa Cansungay ug San Carlos-Bayong-San Vicente samtang panindoton usab ang mga MPBs sa Catagdaan, Ilaud ug Aurora.
Wala usab hingkalimti ang Main Canal Service Road sa Malinao Irrigation System didto sa Estaca samtang dunay River Control project usab sa Pamacsalan ug mga Solar Street Lights
“Uban nato sila Mayor Wilson Lagapa Pajo, VM GenGen Datahan with all SB members, LNB headed by ABC Zenaido Jaspe, Brgy Council of the recipient brgys.,LGU Department heads, DepEd, DPWH III, G.O E.A Bebot Dompor Sumampong ug uban pa”, suma pa ni Congw. Alexie.
Sa laing bahin, gi-turnover na ngadto sa Brgy. Badiang ang P5M kantidad sa bag-ong Covered Court.
“Atong gikauban sila Mayor Inday Simacio, VM Nilo Bersabal, SB Members Janjan- Dolor- Ado ug Aura, DPWH III rep by Engr. Liberty, Brgy Council of Badiang, Badiang NHS ug uban pa”, matud pa sa kongresista sa Tersiero Distrito.”(Kahlil Lester O. Camba)
