WALAY pili ang Medical Assistance Program (MAP) sa buhatan sa labing una nga babayeng kongresista sa Segundo distrito sa Bohol.
Sumala pa ni CongW. Vanvan Aumentado nga karong bag-o aduna siyay mga pasyenti sa National Kidney Transplant Institute (NKTI), Philippine Heart Center, sa Cebu Hospitals ingon man private hospitals sa Tagb. City nga natabangan.
Kini naglakip na nila ni John Paul Bolatete sa Tagb. City diin iyang nahatagan sa assistance nga 435,000 ug nakagawas NKTI niadtong Feb. 20, 2024.
Samtang laing natabangan niini ang usa ka Rosyl Garcia nga taga Kagawasan, San Miguel, Bohol diin mukabat sa 550,000 ang iyang tabang ug nakagawas sa Phil. Heart Center niadtong March 6, 2024.
Lain pa mao sila si Gualberto Colanse nga taga Nausok, Jagna diin 250,000 ang iyang tabang nga Ace Hospital, Tagb. City na admit; Felisa Ladaga sa Manaba, Garcia Hernandez diin 300,000 iyang tabang ug sa Phil Heart Center na admit; Jeirred Baquial sa Cawayanan, Tubigon diin 300,000 iyang tabang ug naadmit sa Phil Heart Center; ug Margaret Vente sa Pob. 1, Tagb. City diin 300,000 ang assistance ni CongW. Vanvan ug sa Phil Heart Center naadmit.
Gipasabot sa kongresista nga tuyo kini niyang gipahibawo aron masayod ang katawhan nga dunay assistance ingon niini ang iyang buhatan.
Dugang ni CongW. Vanvan nga walay pili gikan sa 1st, 2nd ug 3rd district sa Bohol ang naasoy niya nga MAP.
“Pondo ray agdon, basta naa pa then way problema. Tabangan nato ang nanginahanglan kay usa na sa among tahas dinhis kalibutan,” sigon sa magbabalaod.
Gipasabot niini nga sa gustong masayod sa programa, bisita lang sa iyang opisina sa New Capitol ground floor, Tagb. City ug duola ang iyang mga buotang staff.
Naila ang mga Aumentado sa ilang walay kaluya, diniyos, ug kinasing-kasing nga pag-alagad sa katawhan nga walay paglantaw si kinsa Kaman. (RTB)
