Gi-turnover na ngadto sa Sierra Bullones Technical Vocational High School ang One-storey classroom building nga gipangunahan nila Congw. Alexie Tutor, Boar Member Greg Jala, Mayor Atty. Mike Doria ug mga kadagkoan sa DEPED.
Suma pa ni Congw. Alexie daghan ang mga hangyo alang sa dugang nga classroom maoy hinungdan nga giapod-apod ra ang pundo arun ma-decongest ang mga tunghaan sa Tersiero.
Pipila ka mga tunghaan ang napundohan ug nagpaabot na lang nga ma-turnover. Kini naglakip sa Candabong National High School sa Anda, Quezon HS, Sevilla NHS, Alcia Tech Voc HS, Loboc Central ES, Candulao ES, Concepcion NHS (Mabini) ug Valencia Tech Voc HS.
Sa laing bahin, gi-turnover na ang mga balay 193-195 sa Jagna. Ang 193 gipanag-iya na ni Annalee Cruz sa Purok 8, Sitio Balikbayan, Brgy. Mayana, Jagna samtang 194 si Berto ug Marilou Megallo sa Purok 7 , Sitio Libertad, Brgy.Mayana sa mao gihapong lungsod.
Pabahay 195 ang ilang Renante ug Rowena Quarteros nga taga Purosk 4, Can-ipol, Jagna.(Kahlil Lester O. Camba)
