Gibutyag ni Congw. Vanvan Aumentado nga walay pili ang iyang pagtabang alang sa hospital assistance gikan kini sa 1st , 2nd ug 3rd district.
Apil kini sa programang MAIP o Medical Assistance to Indigent patients nga gipundohan ang mga tamnbalanan sama sa National Kidney Transplant Institute, Philippines Heart Center ug mga pribadong tambalanan sa Sugbo ug dinhi atoa.
Niadtong Pebre 20, 2024 na-discgarge na sa National Kidney Transplant Institue si John Paul Poblete nga taga dakbayan sa Tagbilaran . P435,000 gikan sa pundo ni Congw. Vanvan ang natabang.
Sa Marso 6, 2024 ,nakagawas sa Philippines Heart Center si Rosyl Garcia nga taga Kagawasan, San Miguel (P550,000) samtang na-discharge sa ACE Hospital ning atong dakbayan si Gualberto Colanse nga taga Nausok,Jagna (P250,000).
Duha usab ang na-discharge sa Philippine Heart Center human natabangan sa tag P300,000 matag usa. Sila mao si Felisa Ladaga sa Manaba, Garcia Hernandez , Jeirred Bacquial sa Cawayanan, Tubigon ug Margaret Vente nga taga Poblacion 1 ning atong dakbayan.(Kahlil Lester O. Camba)
