PIPILA ka mga bukirang barangay ning lalawigan ang naapektahan sa El Niño sumala pa sa Prov’l. Agriculture Office (PAO).
Matud pa buhatan ang mga mag-uuma ang mibutyag nga nadaut gyud ilang umahan gikan sa 50 ngadto sa 80 percent tungod sa kakulangon sa tubig, diin nagsalig lang sila sa ulan.
Gitug-an pa sa PAO nga nagproseso pa sila karon sa pagpalit na sa mga ipanghatag sama sa mga materials hose, barrel ug uban pa.
Gibutyag sab sa ahensiya nga Disyembre sa milabay nga tuig nagkatigum na sila uban sa kadagkuan sa Kapitolyo ug uban pa aron hisgutan ang pangandam sa El Nino.
Wala pa hinuon masayod ang PAO pagkakaron kung unsay ayuda nga ihatag sa mga LGU ngadto sa mga apektado nga mag-uuma og padayon pa sila nagpaabot niini.
Sa pikas bahin, giawhag ni Gobernador Aris Aumentado ang nagkadaiyang city ug municipal Disaster Risk Reduction and Management Office sa lalawigan sa Bohol nga panghingusgan ang kampanya niini pagpahibalo sa fire safety nga praktis hilabina karon nga adunay El Ni o ug nakasinati og grabeng kainit ang lalawigan.
Nipahimangno ang gobernador niini human sa nahitabong grass fires sa kabukirang bahin sa Bohol. (RTB)
