GIPASIDAN-AN sa labing una nga babayeng Kongresista sa Segundo distrito sa Bohol ang mga Bol-anon batok sa pito ka porma sa ‘unhealthy lifestyle’ taliwala sa pagsugod na sa summer season kon ting-init.
Sumala pa ni Kongresista Vanvan Aumentado nga namatikdan nga sa Pilipinas, ang tanan nga nag-unang hinungdan sa pagkamatay ang tungod sa sakit sa kasingkasing ug uban pang makatakod nga mga sakit adunay kalabotan sa dili maayo nga estilo sa kinabuhi ug mga pagpili sa pagkaon, ug dili aktibo nga pagpuyo.
Subay niini, gibutyag ni ConbgW. Vanvan ang pito ka porma sa dili himsog nga estilo sa kinabuhi. Kini naglakip sa dili pagkaaktibo, dili himsog nga pagkaon, pagpanigarilyo, pag-inom sa alkohol, pag-abuso sa droga, stress, ug sobra nga paggamit sa mga gadget.
Gipasabot ni Aumentado nga kon gusto sa tawo mas mutaas pa ang kinabuhi, mulikay kini sa dili balanse nga pagkaon ug mag-ehersisyo kanunay aron mugawas ang mga hugaw sulod sa lawas.
Subay sa panahon sa ting-init, gihangyu ni CongW. Aumentado ang tanang katawhan nga magbantay kanunay ug dili musipyat pag-inom sa tubig aron dili ma heat stroke. Ang kongresista usa ka rehistrado nga nurse. (RTB)
