GIKATAHO nga sa panahon sa dry season kusog usab ang paggamit sa mga tawo og cooling appliances sama sa electric fan, air condition units ug uban pa.
Subay niini, niawhag ang mga tinugyanan sa BOHECO-1&2 ug Bohol Light Company Inc. (BLCI) ngadto sa ilang mga konsumidor nga kanunay’ng magmatngon ug magkontrolar sa paggamit sa kuryente ilabi na sa dry season diin mabatyagan nila ang pagtaas sa ilang electricity bills gumikan sa pagsige gamit sa ilang appliances.
Gitataw sa maong mga Power Utilities (PUs) nga aron dili makurat sa bayranan sa kuryente labing maayo nga himuong batasan ang pagkontrolar sa pagamit sa kuryente.
Dugang tambag sa PUs nga kinahanglan gyud ang regular nga pagpanglimpiyo sa mga aircon.
Giingong pipila sa mga konsumidor dili ibton gikan sa outlet ang ilang appliances bisan wala sila mogamit niini.
Nagkanayon ang PUs nga ang appliances nga wala ibta gikan sa outlet bisan og wala gamita mokaon gihapon kini og konsumo sa kuryente.
Sa maong pamaagi mamentinar usab ang kaluwasan sa mga Bol-anon ug malikay sa peligro nga sitwasyon. (RTB)
