MIANGKON ang hepe sa pulis sa Dauis nga siya ang mipabuto ug pusil didto sa terminal sa Dauis ug ang panghitabo tungod sa confusion.
Giangkon ni Lt. Thomas Zen Cheung nga mipabuto siya ug usa ka warning shot kay kalit milihok ang usa ka gialegar nga kolorum nga van.
Andam si Cheung ug moatobang ug bisan unsa nga mga imbestigasyon kalabot sa maong panghitabo.
Matud ni Cheung, ang ilang tuyo sa Dao terminal mao ang pagsilbi ug usa ka warrant of arrest ngadto sa usa ka gikatahapan.
Giingon ang gikatahapan didto nanukad sa Dao terminal.
Hinoon ang van nga nalambingit sa panghitabo, ang driver ug konduktor giingon nga nahadlok kay basin dakpon sila tungod ang ilang van usa man colorum ug dali sila misutoy.
Nagtuo ang mga pulis nga mao to ang ilang gipangita ug nagpasalba ug warning shot si Cheung aron mohunong ang van diin dili diay mao ang gipangita sa pulis.
Ang driver ug konduktor midangop sa Tagbilaran Police Station ug didto na sila nag settle ug nagsabot diin andam si Cheung nga masettle ang maong sitwasyon.
Giawhag ang mga pasahero nga likayan ang pagsakay sa mga colorum nga van kay ug naay mahitabo walay manubag tungod wala kini mga igong papeles. (RTB)
