GIDUMOG gabie ang gipahigayong proclamation rally sa Pundok kAYAng Kaya Panglao.
Si Kag. Aya Montero-Caindec ang molansar pagka mayor samtang magpa pili balik isip bise mayor si Brian Velasco.
Si Panglao Mayor Nila Montero kinsa naa na sa katapusang termino isip inahan sa lungsod, nidesidir nga molansar pagka kagawad.
Apil sa mga lineup pagka kagawad mao sila Ariel Gabuya, Christian Velasco nga anak sa kasamtangang bise mayor, Chad Arcaya, Joe Arbitrario, Atty. Dennis Hora, Eduard Mejos ug Jiejie Guioguio.
Ang iparang kanila mao ang Lumad Panglaoanon nga gipangunahan ni Boy Arcay ug kagawad Noel Hormachuelos.
“Full force” ngadto sa maong proclamation rally mao si Team ABante gubernatorial bet ug 2nd district Cong. Aris Aumentado, runningmate niya nga si Senior BM Dionisio Victor Balite,Ph.D, Dominic Butalid, incumbent BM Lucille Lagunay ug Goldie Herrera-Caya nga anak ni kanhi bise mayor Julius Caesar Herrera.
Mapasalamaton usab si Mayor Montero nga bisan pa sa kadaghan sa mga birada nga gihimo batok kaniya, nagpabiling lig-on ang grupo ug nagsuporta sa iyaha. (Kahlil Lester O. Camba)
