SAMTANG nagpungasi ang kainit sa panahon giawhag sa mga power utilities (BLCI ug BOHECO I&2) ang ilang mga konsumidor nga hingusgan ang naandan nga mga lakang sa pagdaginot sa kuryente.
Mao kini ang magsilbing tubag alang sa panahon sa ting-init nga unang gideklara sa Philippine Atmospheric, Geophysical, and Astronomical Services Administration (PAGASA).
Gawas sa Bohol, ang nagkadaiyang dapit sa Central Visayas ang nakasinati usab og grabeng kainit sa panahon.
Gihatagan og gibug-aton sa BLCI ug BOHECO 1&2 ang pagdaginot sa kuryente ingon man usab ang kasamtangang sitwasyon sa panahon.
Giawhag sa mga tigdumala sa maog Power utilities ang mga konsumidor alang sa pagbinantayon kanunay ilabi na sa kainit sa panahon.
“We encourage everyone to stay hydrated and limit outdoor activities, especially during the peak of the day’s heat”, matud pa.
Kinahanglang adunay hustong bentilasyon ang balay ug magdaginot sa paggamit sa energy-intensive cooling appliances sama sa airconditioners.
Gipahimagnoan usab sa BLCI ug BOHECO 1&2 ang ilang mga konsumidor nga gikinahanglan nga i-unplug ang appliances nga wala gamita. (RTB)
